میعادگاه عشق
سرزمینی برای سرگرمی
میعادگاه عشق
سرزمینی برای سرگرمی
الشاعر سید حسن الشریفی
هات من حنظل زمانک مره هات
وهات من آهات لیلک مره هات
هات یا هات المفارگ مره هات
بلکت ابهاتک ترد الماضیات
****
هات من آهـــات صدرک ونه هات
حتی احس لوعة غرامک ونه هات
النـــه للعشّـــــاگ میمر ونه هات
والنه وبوذیه وعتاب امسطرات
****
هات هاتک یاللی هاتک چن نسم
وهات غیرک لویمرنی چنه سم
چن امس باحلامی سارح چن اسم
شخصک ابشعری انکتب یا ترف هات
****
یا نسیم الشوگ احلفک لو تمر
سئله البثغرک شفایف لو تمر
نشده عن شفة اشعاری لو تمر
هم یصح منک دبس یحلی اللهات؟
****
حبک ابگلب الیـــودّک ماله حد
وغیر شخصک گتلک امّن ماله حد
ماکـــفر بالعشـــگ گلـــبه مالحد
بعده مومن بیک یا زین الصفاة
سید حسن الشریفی
موال
یاصاح گلبی یظل للمــوت دایـــــم وفی
ولجلک اسیر البحر وابحر ابشوگی وفی
ماهمنی حر الوکت حبـــک برادی وفی
من حیث جدمــی ابغدر مامشــت مره لحد
انطر ترد لی الوصل واعرف اغیابک لحد
خایف تجینی ابــوکت وآنــــه ابحفیرة لحد
شیفید تلحگ علی لو صار جــــسمی وفی
من یوم مسری الضعن جفن المحب هامله
والصبر رغــــم الأسی مـــا دنّجت هامله
شوگک نــبت بالـــگلب لا لا تظن هامله
من حیث جرح الگلب شوگ الولف راحله
ناحل صبح من رحت حتی الــنظر راحله
چم ضعن مر و رجع لهله و ینــخ راحله
بس گلبی ضعنه مشی ابــید الحزن هامله
ما یوم طبــــع الوکت عند الجــفه داراک
لن وحدک انته الوفی ولاهل الوفه داراک
داریت عسر الوکت وادری الصبر داراک
والوفــی عاشـــــــر وفی وبحــالته داری
ویوگف لعد ضیجته مهما الزمـــن داری
دارک یصاحب تظل بالمــــعرفه داری
و داری تظل للأبد یا صـــــاحبی داراک
سید حسن الشریفی
المأخذ : http://alahwaz1.blogfa.com
