الشاعر الملا فاضل السکرانی

 

الشاعر المرحوم ملا فاضل السکرانی

الشاعر الملا فاضل بن یعقوب السکرانی الطائی
 قصیدة الشعر

یصعب علی الناس یصعب موت کل شاعرلبیب

واصعب من الصعب موت العبقری الواعی الادیب

یصعب علی الناس فگد الشعر و لینظم اشعار

الشعر یرفع راس باس الشرف و یزید الفخار

الشعر راده ابکل إراده الحاز کل معنی الشعور

 

الشعر روح من السعاده و عطر للشمه و بخور

الشعر وابل مطرو سمی و هطل بیام الربیع

الشعر اسمک یخی و اسمی الیظل ثابت ما یضیع

الشعرذوق اهلی وبلادی ورایه وحچایه وخبر

الشعر سیل الجره بوادی الما بطراد انعبر

الشعر اغلی الجنس جنسه الشعر دیباجة فخر

الشعر لذة الشعر ونسه الشعر بالنادی ازدهر

الشعر اوزان و قوافی الشعر میزان الکلام

الشعر ماهو ریح سافی الینگل مذمة ملام

الشعر تحویه بمشقه و فکر رقاد و وسیع

الشعر نظمه ایرید دقه یحققه وعی المذیع

الشعر تهتم بیه ربعه و یهتم موت الیفتهم

و العلم محمود طبعه و یغث فگد اهل العلم

الشاعرمن یموت خله اتصیربربوع الاشعار

الماجد من یفوت وجده یخلف بکل سلف نار

******

احبچ یا فلاحیتی

احبچ من نمت بفیای نخلات الشتلهن خالنا سبیتی

احبچ من بنا البنّای من معدن ذهب طینچ کَسُر بیتی

احبچ یا فلاحیتی***احبچ یا فلاحیتی

    ****

احبچ یالغفیت ابحضنچ الدافی وغطای الحاف عتبارچ

احب امعارچ الیحچی ابخبر حمده و یملها البالوحل بارچ

احب فتنه و صریچ اچعاب اخو فتنه الیزوغل چان ویعارچ

    ***

احب هلهولة ام عید التهز اید الفرح بلعید وتبارچ

احب کوتچ وحب ابیوتچ البیهن احلام ایام تذکارچ

احب سُورچ وحب خُورچ و حب ابخورچ المنتشر بکتارچ

    ***

احب شطچ وحب اچفایفه الخضره وضحچها الرگّص اشجارچ

احب ریفچ وحب لبطت مشاحیفیچ الفرها الکنص بهوارچ

احب نورچ وحب نارچ وحب اشتم روایح عطر نُوّارچ

    ***

احب رشّت مُطر غیمیچ وحب ابریمچ الیضحک الکنطارچ

عروس اموشّحه ابنخلچ وهاذ اجمل وشاح الحله ابزنّارچ

احب یومچ وحب امسچ وحب شمسچ الیشرق نورها ابدارچ

    ***

احب کذلة شعر لیلچ وحب وَجَنة ضحاچ الضوّت انهارچ

احب قهوة سخی امضیفچ الرن فنجانها وشربوه سُمّارچ

احب سُمّارچ السهر وابنادى البیه علگو زینة اشعارچ

    ***

احب سنبل فخر زرعچ وحب ضرعچ الدّر دُر سخی الخطارچ

احب ثوارچ الثارو وحبها الهلهلت لفعال ثوّارچ

احب احرارچ الصدّو اجیوش العزّمو یمحون اثارچ

    ***

احب زلمچ الگصو راس ابو طوگ الیدنّس راد شنیارچ

احب قومچ الهزمو جیش ابو طوب و رجع مغلوب المعارچ

غزوچ الکفر چم مرة لچن یخسون ما وصلو الفی دارچ

    ***

احبن نخوة الغیرة نخوتچ یوم ابعامر تنخیتی

وعله هام الغزو بسلاح عز قومچ الماذلّو تعلّیتی

احبچ یا فلاحیتی***احبچ یا فلااحیتی

    ***

و انه ازغیر احب کاسچ البی من در لبن خیرچ ترؤّینی

وانه ازغیر احب شهدچ الیتگاطر حنان و بی تغذینی

و انه ازغیر احب رجتچ المنها ابمسعط امحنتچ تغرّینی

    ***

و انة ازعیر احب مهدچ البی نمت الضحی وبیدچ تهزّینی

و شوفچ چنت بحساسی وحسّن بیچ یم راسی وتحاچینی

محبتچ ثابته اببالی ابدلالی ابوسط چبدی اببطن عینی

    ***

خیالچ ما یفارجنی امرافجنی ویلاعبنی ویسلّینی

احبچ ای وحق ربچ وادری ابکثر ما حبچ تحبّینی

احبچ وختلط حبچ ابدم شریان عُمری و مُهجة اسنینی

    ***

عبیر امحبتچ یسری سره ابروحی و سره ابدمی و شرایینی

الومه الفارگچ ساعه صعب فرگاچ ما ینحمل یاذینی

یحلوه امعانگچ سلوه قبل ما شبگچ ابشوگچ تشبگینی

***

عِشت بربوعچ الخضره و هواچ امریحنی و مایچ امربیّنی

ببراچ شرقدت وَدری من ابرد بید تحنانچ تغطینی

اشمالج بالمسه اعذیبی یونّسنی و ینعّسنی و یغفّنی

***

اسابیعیچ تدغدغنی ابطیفی و صوت عاطفتچ تناغینی

و تحرّکنی الفجر نسمة صباچ ابمسچ ریحتها توعینی

یمر یحنی الصبح لطفچ الشوگه ایجیبنی و للود یدنینی

***

اترابی اترابچ الغالی و طینچ طین جدی او والدی وطینی

امن اموت اتوسّد اترابچ الغیرچ ما اود واحد یودّینی

یحبچ طبعی و ربعی تحب الزارنی و بسمچ یغنینی

    ***

احبّچ مُوش بس هسّاع احبّچ چی شبت وبیضّت الحیتی

احبّچ من چنت یاهل و تتطوطح علی المتنین ترچیتی

احبچ یا فلاحیتی***احبچ یا فلاحیتی

    ***

 
قصیده احبک یا ظبی الوادی:

احبک یا ظبی الوادی****لو لحظک رمی فوادی

اود اسهام نظراتک****الصابن گلبی الصادی

ایا شربی الحلا بکاسی****وچلمتی و گهوتی و زادی

اویا غنّاوة الغنّن****اوصوت البی حدی الحادی

چنت سر منوتی و شوگی****البیک اتحقّق امرادی

اوچنت الما یشح وصلک****اوکل وکتک علی بادیی

غادی الاصبحت عنّی****بعید اشبعّدک غادی

یچنت افدیک بگلیبی****و انته الچنت الی فادی

احس ابروحی اتحبک****من اول یوم میلادیی

وردة روض بستانی****او عین گلادة ابلادی

او یا سنبلة نیسانی****و سروری و بسمة اعیادی

الابوذیة:

الشیعه التفخر ابحیدر علیها****علیها اتـقلده ابفعله علیها

ثوب الفخر ما یحله علیها****اذا متطرزه ابغیره و حمیٌة

******

یروحی ابطلب حگ شرعی دعینی****وعن حب غیر اهل طه دعینی

دوفـی ابدمچ الیسری دعینی****حب المصطفی و حـیدر وصیٌة

******

علی حیدر ینجٌی اللهج بسما****علی بدر الالاه السطع بسما

علی اتعنٌه ودفن سلمان بسما****دفن نجله الگضه بالغاضریٌة

******

المجد بالعز عله من ظهر بسمه****نجم سعد التجٌله العرش بسمه

الفخر ثغـــره ابلطافه ابتسم بسمه****ابمولود النبی و حـیدر وصیٌه

******

یطاها بالمکارم بـحر فضلاک****وبالاخلاق انوصف و انعرف فضلاک

لون گلبک غلیظ وچـنت فضلاک****لما خضعت ارگاب امنالبریٌة

******      

بجهلنه اعیوننه انصمٌن ولاذان****طرش میسمعن الــــــنخوة ولاذان

الـــشیم بالشر غزیناهن ولاذان****ابکهف مجد النبی و حیدر وصیٌه

******      

المکارم للیودهن دوم ودیٌن****تحف عز یابن النه و شرف ودیٌن

المکارم خضرٌن بالدین ودٌین****ابسمه اخلاق المکارم سطع ضیٌه

******

تهت یالماجعلت حیدر علملاک****الــعلی ابعالی المجد چوچب علملاک

علی عــــــلٌاه معبوده علملاک****السمه و فضله السمه چالشمس ضیٌه

******        

حـــــــیدر ضربته وحده مثنٌه****بیها و ما یکررها مثنٌه

ابعلی یشچی الضّعف والله مثنٌه****نمثله ابلیث یهدر بالثنیٌة

******

رایی و رایتی و عزمی وجودک****عضیدی و افخر ابباسک وجودک

انفضخت هامتک لجلی وجودک****عله ازنودک جره من غصب میٌه

******

بهوانه قیس یحبابی خلفنه****ابتلینه وتبتلی کثره خلفنه

خل اهلک لا تلومونی خلفنه****خل ابچی خل اون صبح ومسیه

******

الخلف هبط الزلم سلف هامات****الروح ابحاله المجروح هامات

حچو عن المجد ها عدل هامات****گلت یلا خلفنه العمل بیه

******

ترف غیر الجفه منک شجانی****وغیر الشوک من شوگک شجانی

صوت اتطوح الحادی شجانی****الضحه بظعونکم من گطع فیه

******

مظن بعد المشه یالگلب تلهب****رشه وبگصه الحشه نیران تلهب

جذب روحی الحبیب الراح تلهب****زعل وجعل مرض تهلات بیه

******

علیه   انشنت  الغارات منخیل****هلی وسهم الجرحنی انطلگ منخیل

ابوحل لو برکت عشمای منخیل****ردی ونخوای للبیهم حمیه

******

 اخوی المنتخه ولا حمل شلی****ولا ضمد اجروحی وجرح شلی

شلی ابصحبته و ممشاه شلی****بخو الما یوم عصب جرح لیه

******

اهنا دسچب یها المغرورعبره****ومن های الگبور تخذ عبره

انصحک روی بحر العمر عبره****ابعگل وخلاق ومروه وحمیه

******

یلی تزور گبری تخذ عبره ****منی ودسچب بکل حزن عبره

بحر جهلک بمرکب عگل عبره****وعمل زین لا تعمل ردیه

******

هویتک یلغزال انته مهند****عشگت شم ورد وجناتک مهند

اصدودک موت الی وصدک مهند****الصد من الصدود اهون علیه

******

الدنیه خلت اخطلها بطلها****وعله الحگ دوم متجدم بطلها

اهیه الی علی بخلت بطلها****اشلون بغیثها تهطل علیه

******ی

مر عزمی الیحرر چان بردای****انطفه وسیفی الصقیل انگلب بردای

انجرج جدمی ابمحنتی وعثر بردای****وکثر لومی اعله گومی الزرو بیه

******

أحِــب دوم أنظر إلجیده وریده****واحِب شَم وَجنِتَـه و شَمَّة وریده

یَلَاهــی إشْکثْر أوِد ناهی وریده****دخَلَّه ایزورنی و یعطف علـــیه

******

ألِف طَرطَر دلیــلی بسیف مَنطَر****دَم جَر سَل رِگــه الأجبال منطر

الگلب شَب گَب ثِگَب نیران منطر****إسمک یاعَفیف شعِمَل بـــــیه

******

ینخلات الوفــه الحالی تمرچن****و حســافه ایّامنه ألمُرَّه تمرچن

ریاح العصـــر مارِدنه تمرچن****ابعواصف بَلَه و تِحترجَن سوِیَّـه

******

 الفقیر المُفلِس إلمامَلَک شَیَّبْ****یَمنته شیِشْتِری و للأهَل شیّب

گِلِت للگال أبو العشرین شیّب****الطِفِل هلیوم شَیْبَتّهْ الدَنَیَه

******

غزال البیه حَله لعبـــــــی ولَهوای****بصبای و معشـگت غیره ولهوای

ابیوم اموادعه غَثــنـــــی ولهوای****الحشه و بات الوِشه مشتمت بـیه

********

دَم دمعک دســیله لایسلــــــــمه****على الراح و على الله لایسلــمه

الهجر ماچان وعـدچ لایسلـــمه****الوَعَد چان الوصل قبل المنـــیَّه

********

گِطَع مِنّی سلامــه مایسلمه****و دَعه دم سیل دمعی مایسلمه

عَسَى الباری یَسَلمى ما یسلمه****السَعَى ابفرگاچ و أشعَل نار بیه

********

أصیـح إعلى الغزال إلتِفِت مایِل****تِفِت عَنّی و بعد سبعیــن مایل

ربه ابْمَرتَع حننینی  و شَرَب مایل****حنان و خان طیبی و غِدَر بــیه

********

بالعز یخل خل تعله درنه ****بالعز  یخل خل تعله  درنه

او دخل ینغسل بالغیره درنه****الضیفک هاون امضیفک درنه

ابسخه وچلمه هله وبسمه وتحیه

******

العشیره الدوم بس تگضی وطرها****بسفاهه  الجهل طشرها  وطرها

عماد  او جود  عزتها   وطرها****العگل لیشیلها  الهام  الثریه

******

ابلوم اهلی بلانی اهواک وبلاک****ابهلک یا ریت لا ام الک وبلاک

الک  ما  ترهم  ابلیاک وبلاک****حیاتی اوداعتک تصعب علیه

******

الذی عنده شهامه ونفس عندا****یموت ابو جعته ماخبر عندا

المهو بالطبع نشمی کون عندا****ملک قارون ماعنز خویه

******

اصیح اعلی الغزال التفت مایل ****تفت صوبی و بعد سبعین مایل

ربه یمرتع حنینی وشرب مایل*****حنان وخان طیبی وغدر بیه

******

فخر لا لل یگلگ  چان  یدای ****سخی کل وکت للمعروف یدای

فخر لل گال تشطر کرم یدای****وفیت الماوفو  و للوفو لیه

******

وزن المهداوی و الذی ابدعه نجله المله مهدی فاضل السکرانی:

ای وا لنبی موسی الخذه الواح العلم منطوره

الون بحزن انحرج طوره وخرج منطوره

ثایه مجدنا الچانت ابعین العگل منطوره

لیل الجهل مسها باسه وظلم مجدها الضاوی

******

یا صاح صیح العز مشه وخبر العشیره الما درت ونبیها

دار الرحل عنها المجد للاسف بس ظل ینسمع ونبیها

گوم الکثر بیها الجهل ماتگدر اتنول الشرف ونبیها

یحوی الشرف بس المشه ابغیره وصبح غیراوی

******

یحباب گلبی ویا هلی چنه الزمان الجاهلی عادنه

ظلینه بس نسمع چذب والچذب صایر للاسف عادلنه

حته الصدیج بها الوکت چی نحچی بالحگ والصدگ عادلنه

وصاحب الچذاب الردی البس للرذایل حاوی

 ******
منبع :falahiyeh.blogfa.com