گلولی کلــــک حــــزن گلتلهم انتم شکو
گلولی رمحل الغــــــدر گلتلهم انتم شکو
گلولی ولفـــک یحـــب گلتلهم انتم شکو
گلــــولی مـــات الأمــــل گلتلهم ابیاسنه
گلولی عوف العشــــگ گلتلهم ابیاسنه
گلــولی دونه اشــــبگه گلتلهم ابیاسنه
گلولی یشکی المحب گلتلهم انتم شکو
****
لمع هجــرک واجو شمات شکو
رمح غدار حیـــن البیــک شکو
جزاک ابخیر گلی اشچان شکو
ابســـفرتک یـل مثیلک ماتهیه
*الشاعر عبدالله سلامی*
الله ویاک گتلک من نویت اتروح
ماهاویهه ابدبس قصبا"احچیهه
موذنب الگلب ذنب الشفایف چان
ابنطقهه استعجلت واسبگت راعیهه
رحت ها مارحت قلت دقایق هیچ
روحی اتخربصت والحزن قاطیهه
مره ابردگمت مره اعرگ امنل الشوگ
مره ارجف واگوم اروحی ادفیهه
صفنه اتجیبنی وتاخذنی صفنه اهناک
اتیهن بینهن واشلون تالیهه
اعز الناس چـــــــــانولی جفونی
وعلیهم دم قدت تهمل جفونی
الچنت الهم نهر جازی جفونی
و فداینهم قـــــــــدت عیه علیه
جهاد ابو علی البوغبیش
______________________________________________________________
صار الریج یبن امی علی مر
وخلانی زمانی امشی علی مر
سبتنی الگوم یلکافل علی مر
ترا ظلت رقیه اتلوذ بیه
جهاد ابو علی البوغبیش
______________________________________________________________
مشینه والدرب یعمی من الدیر
والکافل یسطر الناگه من الدیر
طلعت اویای خـوانی من الدیر
و رجعت ایگودنی صوط آل امیه
______________________________________________________________
طلعت اویای خــوانی من الدیر
و شفت شبــان ویانه من الدیر
وهب و ام وهب گالتله من الدیر
ابجهادک عیسی یاخذلک تحیه
جهاد ابو علی البوغبیش
راح اسافر
للشاعر:عبدالحسین الباوی
راح اسافر
ادامه مطلب ...واترک اسنینی ورای
واطوی دفتر ذکریاتی
واحمل اهمومی اعله ظهری
واترک البستان والشط والنخل
واشلع النجمه ابسمای
خاف واحد یندل امچانی و یجی
ارد اشیلن گلبی من هذا النزل
ارد اعوفن دولة الحب
بیها مسموح القتل
بعد میت زرع گلبی و مایخضر بی شتل
رد الشاعر اسماعیل المشعلی
على قصیدة راح أسافر للشاعر عبدالحسین الباوی
لاتسافر؛ لاتسافر؛
لوتسافر؛
تدری شیسمّوک؟
مهزوم المخاطر
اوراح تخسر کلشی البراسک بنیته
بیت امل ناسک،احساسک،
ادامه مطلب ...
غابة الهجران
من توادعنه الصـــــبر کض بیــده فاس
وگام یگطع کــــــل شجر روض العمــــر
وصـــار درب الفرگه چن درب الصـراط
ویا هو یگدر من علــــــی الــفرگه یمر
من رحت مات الصبــــح ظل عندی لیل
ادامه مطلب ...سیف الجفه اشمالک علی سلیتهوگلبی ابغیابک بلدمع سلیتهشوف النخل مهما علت سلیتهمکناسه یصبح تالی لا تتکبر
هات من حنظل زمانک مره هات
وهات من آهات لیلک مره هات
هات یا هات المفارگ مره هات
بلکت ابهاتک ترد الماضیات
****
هات من آهـــات صدرک ونه هات
حتی احس لوعة غرامک ونه هات
النـــه للعشّـــــاگ میمر ونه هات
والنه وبوذیه وعتاب امسطرات
****
هات هاتک یاللی هاتک چن نسم
وهات غیرک لویمرنی چنه سم
چن امس باحلامی سارح چن اسم
شخصک ابشعری انکتب یا ترف هات
****
یا نسیم الشوگ احلفک لو تمر
سئله البثغرک شفایف لو تمر
نشده عن شفة اشعاری لو تمر
هم یصح منک دبس یحلی اللهات؟
****
حبک ابگلب الیـــودّک ماله حد
وغیر شخصک گتلک امّن ماله حد
ماکـــفر بالعشـــگ گلـــبه مالحد
بعده مومن بیک یا زین الصفاة
سید حسن الشریفی