شعر عربی (ابوذیه)

شعر  عربی (ابوذیه)

امسرد ما یهمنی اخیاط لاحوک

ولا تنفع رخاوت زلم لاحوک

وره اضلوعی یگلبی اشلون لاحوک

 ابفاله و ثببتو نیشان بیه



ما سلم علیه الشیخ لاباس

اظن کونن اهدوم اسمال لاباس

انمد ا یدی عله الطیبین لا باس

عطیت الموکریم اتخل علیه

وداعـــه البــریهــــــی

...............................................

ادور عل یدوس الخطر ولفای

وحرت یا ناس بین الشمس ولفای

طحت ما بین دهری وبین ولفای

تسلم یلتگول اگبل علیه

وداعـــه البــریهــــــی

 ......................................................

الک یلخلفت بالگلب خله

ثگل همی وهمک علیّ خله

العزم بالله الخلیل ایعود خله

انتلاگه بالهنا ونگعد سویه

وداعـــه البــریهــــــی





تظن ایطیر طیر ابغیر ینحان

و تظن اعله الجبان احرار ینحان

تظن اعله الانام ابلیس ینحان

و تظن منکر سموح اعله الخطیه

 

ناصر الحجی یبر الزرگانی


الماحس ابهضم و ابعار شیحس

و مثل اهل الکهف لو نام شیحس

الما حس ابظهرهه و رکب شیحس

الزلم تنعد زلم بل موزمیه

 

ناصر الحجی یبر الزرگانی


شت ضعن الاهل یا صــاح شتوین

اون وتلوم بیه الخلــــــگ شتوین

انه امفارگ حبیب الروح شتوین

ومضه ثالث شته ومـــــامر علیه
 
الشاعر  اوداعه البریهی

نخیته اللی یگل الکون فیکون
 
وندبت البلحـرب مرات فیکون

ردت حبهم علیه ایدوم فیکون

لجل شمس الهجر لا تمض بیه

  
الشاعر  سرتیب الباوی


 ......................................................

شواظب شحب شهذل شترکانه

شون شتهیف روحی شترکانه

شرید انسه ودادک شترکانه

نحیل امرمر ابحتف المنیه


    من کلمات المرحوم الشاعر ایفیر البحیر السلامی 
......................................................

علا الله  یا  رکایبنه  تمدن

ابقضی و جروح دلالی تمدن

ذاک ال ساکن ال بیده  تمدن

و انه راعی الوطن ذاگت علیه


من کلمات المرحوم شیخ یارالله العنافجه
......................................................

الدمع بجفاک جف لا تظن بلکت

 وهمی ابعـــــــدد ماینقاس بلکت

 نخیت البــاری بهل البیت بلکت

 یرجعک والأمانی اتعـــــود الیه

 
رحیم عوده الساری
......................................................

سکنت ابحی لابو عنده ولأم بیه


اعله مودک و الگلب لجلک ولم بیه


ابهواک اسنین أطش عمری و الم بیه


و أتانیک اشوکت تعطف علیه


الشاعر الحاج رحمه زرگانی

......................................................

الدهر خله جرح بس وین خله

 ابدلیلی وسوه بل شریان خله
 
اشتسموه الیکتله افراق خله

 قتیــــل الشوق لوجته المنیه


الشاعر  اوداعه البریهی

......................................................

یصاح الما یهملک لا تهمله

و علی البد ذات دمعک لاتهمله

علی الما یستهملک لاتهمله

جدم لوصاح شبت نار بیه


اغلامعلی الحمیداوی
......................................................
صدیجی او خلی او جاری وخیلای

عزیــــــز او ساکن ابگلبی وخیلای

 الجفـــــــن غیم علا افراگه وخیلای

 دمع یصرخ یصیـــــــح ارجع علیه


قاسم ابو میلاد النیسی

......................................................

الک یشگر سکـــر عگــــلی ولکهام

والک ونه اشـــدهت گلـــبی ولکهام

ابدلیـــلی اوهیجــــت جدمی ولکهام

ابارض غفره او محیطه اجنون بیه
 

قاسم ابو میلاد النیسی

 ......................................................

لا قیس انقهر مثلی ولیله

او بعیونی الدمع یدفگ ولیله

ابغیابک مت الف لیله ولیله

او بعد لیله او اموتن های هیه

************

حشیمی اشلون ما هزّک وندوای

او صرت من الوجع موگد وندوای

یگولون الدوا ایطیّب ونــــــــدوای

احطّه اعلی الجرح ویعم علیه

لشاعر مصطفی شلیجی

*************

عضیدک"هیبتک عزِّک بلایاه

تذل وتعیش کل وکتک بلایاه

یلمخاوی الوکت إحذر بلایاه

الوکت غدّار ما یرحم خویه

***************

خویک لو یدیر اعلیک وجهه

طیح ابعلته وبسکوت وجهه

یصاحب کثرت الخوان وجهه

وذلیل اتصیر انت ابلا خویه
عیسی الشرهانی***************
***************
منبع :
 دیوان ملاثانی
دیره هلی
******************************

ارسلو اشعارکم لنا للنشر فی هذا الموقع